Concurso Galego de Composición

A convocatoria deste concurso ten a finalidade de fomentar e estimular a actividade musical, como parte fundamental do noso patrimonio cultural, así como cubrir a escaseza de novo repertorio musical de autoría galega para ser interpretado especificamente por bandas de música. Conta co financiamento da Xunta de Galicia a través da AGADIC.

Neste marco, a Federación Galega de Bandas de Música Populares establece as bases polas que se rexerá o XIV Concurso Galego de Composición.

Os compositores poderán participar en cinco categorías: Infantil, Xuvenil, 3ª Sección, 2ª Sección e 1ª Sección, en función do cadro instrumental que se detalla nas bases.

– Poderán concorrer compositores/as sen limitación de idade ou procedencia, con cantas composicións como desexen.
– As composicións deberán ser orixinais e inéditas, versarán sobre temática galega e farán alusión no seu título a aspectos da cultura galega (historia, monumentos, xeografía, tradicións, etc.) libremente elixidos polo autor.
– As composicións terán total liberdade creativa, permitíndose calquera tipo de estética.
– Os instrumentos irán designados (polo menos) en galego, segundo os cadros do apartado 3 das bases.

A inscrición realízase neste enlace e o prazo de presentación de obras remata o día 30 de setembro de 2021.