Actividades

O IV Congreso bandístico, organizado pola Federación Galega de Bandas de Música Populares, terá lugar no Conservatorio de Santiago de Compostela entre os días 6 e 8 de decembro de 2023.

A través de conferencias, mesas de discusión e charlas entre varios ponentes, o congreso abordará temas como a influencia das bandas populares na música contemporánea, a xestión e sostibilidade das bandas, a formación de novos talentos e a importancia das bandas na promoción cultural e no tecido comunitario. Este evento servirá como punto de encontro para celebrar a rica herencia musical de Galicia e explorar as direccións futuras da música popular nas bandas.

Esta actividade está subvencionada pola Deputación da Coruña e conta coa colaboración do Conservatorio de Santiago de Compostela e da EGADIB.

Lugar
Conservatorio de Santiago de Compostela
Rúa Monte dos Postes - 15703 Compostela

Datas
Mércores 6 de decembro a venres 8 de decembro de 2023

A asistencia ao IV Congreso Bandístico é de balde co obxectivo de fomentar a participación aberta e inclusiva de todos os interesados na rica tradición musical das bandas de música populares en Galicia. Creemos firmemente na importancia de compartir coñecementos e experiencias sen barreiras económicas, e así permitir que tanto músicos como entusiastas poidan formar parte desta experiencia enriquecedora.

A maioría das actividades, incluíndo conferencias, mesas redondas e charlas, son de balde e abertas a todos os participantes sen importar a súa condición de federados ou non federados. O rexistro para estas actividades pode realizarse facilmente a través dun formulario en liña.

► Formulario para as actividades: forms.gle/yd8CqGMyZFdqJ26SA 🔗.

► Formulario específico para a clase maxistral de dirección: forms.gle/m7W93QGqvuxN42jB8 🔗

9:30. Unirase teoría e práctica nas ponencias, coa oportunidade única de explorar proxectos europeos para asociacións musicais e individuos. Se contemplas formarte no estranxeiro, este taller práctico ofrecerá unha visión detallada das opcións dispoñibles. Traballaremos en trámites de solicitude, así que trae o teu ordenador portátil ou tablet. Non perdas esta chance de planificar o teu futuro internacional.

17:00. Charla sobre a planificación, organización e execución de eventos que se centran nun xénero musical específico, artistas particulares ou temáticas especializadas por Manuel Araujo Montero (xestor cultural e promotor MAM CULTURA).

10:00. Impartido por José Luis Tur, asesor de Mapfre Vida, Iván Vilariño, asesor de empresas, e  Joaquín Rodríguez, delegado de Mapfre.

Abordaremos os seguros fundamentais para asociacións culturais: accidentes, locais, responsabilidade civil e directivas das entidades. Analizaremos as súas características esenciais e diferenzas para asegurar unha protección integral.

12:30. Xosé Corral e Alber Medraño, presidente e director artístico da Banda de Música de Arzúa BMA

Conferencia sobre a innovación nas bandas de música e a exploración de repertorios contemporáneos para posicionar a agrupación no circuíto do mainstream da música actual. Abordaremos a modernización da xestión da entidade, o establecemento de marca de calidade, a produción de espectáculos, as técnicas de marketing e a confección de repertorios para conseguir un maior impacto no público.

17:00. Posibilidades actuais para a formación dos directores de banda. Contrastaremos diferentes proxectos europeos e as alternativas coas que conta o noso país e achegaremos unha perspectiva crítica actual sobre a figura do director e as vías futuras de exploración para a mellora do seu estatus laboral.

Interveñen:
- José Pérez Arias. Formado na Universidade de Tilburg (Países Baixos) e director da Banda do Cmus Profesional Manuel Quiroga de Pontevedra e da Xingro’s Big Band.
- Jose Tielas. Formado na Academia Europea de Dirección de Bandas (Portugal), coordinador da Escola Galega de Dirección de Banda e director da Agrupación Musical da Limia.
- Carlos Diéguez. Formado no Istituto Superiore Europeo Bandistico ISEB (Italia) e directivo da Asociación Nacional de Directores de Banda ANDB.
- Alber Medraño. Formado na Escuela Internacional de Dirección de Orquesta Maestro Navarro Lara (España), na Associated Board of the Royal Schools of Music ABRSM (Inglaterra) e director da Banda de Música de Arzúa BMA.

Moderador: Carlos Diéguez

O Octeto para instrumentos de vento de Igor Stravinsky, composto en 1923, será o punto final do IV Congreso Bandístico. Nesta experiencia única, os participantes e oíntes poderán explorar a riqueza e a complexidade desta obra neoclásica, mergullándose nos seus elementos rítmicos e contrapuntísticos.

Coa orientación de expertos e a colaboración entre participantes, a actividade busca non só proporcionar unha experiencia musical, senón tamén profundizar na comprensión da obra e na súa relevancia na evolución da música.

11:00. Impartido por Patricia Hermida (CEO en dotbeat! e presidenta de AGEM 🔗)

A diferenciación entre contrato, convenio e subvención nas interaccións entre a Administración e os particulares non está claramente definida. É común que se suscriban convenios que, ou ben teñen un carácter eminentemente contractual, ou ben que buscan outorgar unha subvención. En ambos casos, están desatendidos os princpios xerais da contratación e das subvencións. Examinaremos a distinción entre estas tres formas e analizaremos casos de boa praxe aplicables ao noso ámbito.

17:00. Miguel Ángel Agís Otero (Asesoría AEPO 🔗)

Exploraremos a complexidade fiscal nas Asociacións Culturais. Descubriremos as obrigas censais, declarativas e contributivas que afectan ás asociacións culturais, incluíndo temas como CIF, alta de actividade económica, tipos de entidades non lucrativas, IVA e imposto de sociedades (IS).