XIII Certame (2019)

A décimo terceira edición do Certame Galego de bandas de música, organizado pola Federación Galega de Bandas de Música Populares, terá lugar durante nos días 2 e 3 de novembro de 2019 no Auditorio de Galicia, en Santiago de Compostela.

As bandas interpretarán un pasodobre de presentación e, xa en concurso, unha obra de libre de elección e outra de autoría galega proposta pola organización. As obras obrigadas desta edición son as seguintes:

-Sección primeira: Rapa das bestas, de Simón Couceiro Riveira.

-Sección segunda: A Curuxa, de José Javier Ces Calvo.

-Sección terceira: Memoria da Gallaecia, de David Rivas Domínguez.

-Sección xuvenil: Paisaxes galegas, de Frank J. Cogollos Martínez.

-Sección infantil: O pequeno Nicolás, de José Luís Tielas Santiago.

 

O prazo de inscrición estará aberto do 1 ao 15 de marzo na sección “Trámites”.

 

Galego Português Español English
Bases do Certame Regras do Certame Bases del Certamen Regulations

 

Cando en 2006 a Federación Galega de Bandas de Música puxo en marcha o Certame Galego fíxoo coa intención de amosarlle á sociedade a forza e calidade das bandas galegas.

Logrado ese obxectivo, en 2018 o Certame abriuse a bandas do exterior, tendo a responsabilidade de ser a precursora a Sociedade Musical de Pevidém, que participou na sección primeira.

Neste 2019 a competición ábrese todas as sociedades musicais non profesionais, sempre mantendo as nosas raíces e tendo as bandas galegas un lugar destacado das mesmas.

No día de hoxe fanse públicas as bases do XIII Certame (xa en galego, español e portugués, e proximamente en inglés) e lémbrase que o prazo de inscrición estará aberto entre os días 1 e 15 de marzo.