Certame Galego de Bandas de Música

A décimo oitava edición do Certame Galego de bandas de música, organizado pola Federación Galega de Bandas de Música Populares, terá lugar durante entre os días 18 e 19 de outubro de 2025 no Pazo da Cultura de Pontevedra.

Cada unha das bandas participantes deberá interpretar unha peza de presentación, unha obra de libre elección e outra proposta pola organización, correspondente a obras premiadas en anteriores edicións do Concurso Galego de Composición. As obras seleccionadas nesta ocasión son:

-Sección primeira: Diálogos con Arturo Souto, de Álvaro Cámara.

-Sección segunda: O soño de Luzbel, de Vicente Carrasco.

-Sección terceira: A viaxe de Teucro, de Calos Rodríguez Torres.

-Sección xuvenil: O bosque dos druídas, de Francisco José Villaescusa López

-Sección infantil: A miña primeira rapsodia, de Sergio Rodríguez.

O prazo de inscrición estenderase entre o 1 e 18 de maio de 2025.