Cargando eventos
Este evento pasou.

Banda de música municipal de Silleda

  • Xardíns do Balneario, A Arnoia

  • 25 Setembro 2021, 19:30

Descrición

Fúndase no ano 1.888, grazas ao esforzo dun grupo de persoas que quixeron transmitir ao pobo de Silleda o seu sentir pola música, levándoa por toda a xeografía galega, chegando a ser unha das bandas máis recoñecidas da época. Entre os seus directores destacan Tomás Beteta, Esrnesto Beteta, Francisco Beristain, Antonio Amigo, Waldo Núñez… Desaparece temporalmente no ano 1.977.

Oito anos despois, en 1.985, reúnese un grupo de antigos compoñentes para formar o que será a nova agrupación, apoiados pola Asociación Feiral Semana Verde de Galicia, o Concello de Silleda e o pobo en xeral. Encoméndaselle a dirección da Banda e da Escola a D. José María Fernández García, que permanecerá ao fronte ata 1.988. En setembro dese ano, colle o relevo o mestre D. Manuel Molinos Rivas, e en 1.989 fórmase a “Asociación de Amigos da Banda de Música de Silleda”.

En xaneiro de 1.994 accede á dirección D. José Ángel Presa Carrera, coincidindo co I Festival de Bandas de Música de Silleda, polo que pasarán bandas de prestixio, tanto galegas coma de fóra, facendo del un dos máis relevantes da nosa xeografía.

En 1.995, a agrupación crea a Escola Municipal de Música, autorizada pola Consellería de Educación en 1.996. Conta con 150 alumnos aproximadamente, posúe un excelente cadro de mestres e vén organiza actividades como concertos, Festivais de Nadal e Fin de Curso, creación de grupos de cámara, Banda Xuvenil, Coro, Cursos de Verán, Concertos Didácticos… Algúns dos alumnos participan en agrupacións recoñecidas a nivel nacional e internacional como: Xove Orquestra Mundial, Escola de Práctica Orquestral da Orquestra Sinfónica de Galicia, Jonde…

En decembro de 1.997 toma a batuta D. Javier Viceiro Filgueira, director co que a Banda realiza o seu primeiro traballo discográfico. Permanece ata outubro de 1.999 e en novembro accede á dirección o mestre e compositor valenciano D. Octavio Más Arocas. En 2.003, a banda publica o seu segundo traballo discográfico, coincidindo co X aniversario do Festival de Bandas de Silleda. D. José Luis Represas Carrera colle a batuta en 2.004 ata 2.006. Na actualidade, a Banda e a Escola de Música están baixo a dirección de D. Rafael Agulló Albors.

A agrupación é invitada a participar Radio e Televisión Galegas e en numerosos festivais da Comunidade, como os de Meaño, Deza, Ourense, Cangas, Tui, O Rosal, Gres, Chapela, Beade, Castrelo de Cambados, Vila de Cruces… Fóra de Galicia actuou en: Andorra 1.993 /Albacete ( La Gineta , Aguas Nuevas, Balazote) 1.994/Ponferrada 1.994 /Monóvar (Alicante) 1.995 /El Puig, Albalat del Sorells, Lliria (Valencia) 1.996 / Pola de Laviana , Luarca (Asturias) 1.997 / Portugal 1.998 /As Festas do Pilar en Zaragoza 1.999 /Centro Galego de San Sebastián 1.999 /San Martín de Valdeiglesias (Madrid) 2.000 /No mes de outubro do ano 2.000 realiza uns concertos en Bos Aires (Arxentina), invitada polo Presidente do Centro Galego desta cidade/ No ano 2001 é invitada ó XII Festival Internacional de Bandas de Música de Loures en Lisboa/ Leganés (Madrid) 2.002 / Ronda (Málaga) 2.003 / As Palma de Gran Canaria 2.004 / Plaza Mayor en Salamanca 2.005 / Carcaixent e Cocentaina (Alicante) 2.007 / Santander e Luarca 2.008 / Zamora 2.010 / Aranda del Duero 2.013 / Muro (Alicante) 2.014 / Arjona (Jaén) 2.015 / Valencia 2.018 / Festival Intercéltico de Lorient (Francia) 2.019.

A Banda acada ao longo da súa historia numerosos premios e galardóns: 1º Premio no Certame de Bandas de Música de Vigo (1.959). 2º Premio no Certame de Bandas de Música de Ourense (1.972). 2º Premio na 1ª sección no Certame Nacional de Bandas de Música de Leganésen Madrid (2.002). 1º Premio e Mención de Honor na 2ª sección no Certamen de Bandas de Música“Deputación Provincial de Pontevedra” (2.002). 1º Premio e Mención de Honor na sección especial no Certamen de Bandas deMúsica “Deputación Provincial de Pontevedra” (2.005). 1º Premio e Mención de Honor na sección especial no Certamen de Bandas deMúsica “Deputación Provincial de Pontevedra” (2.007). 2º Premio na sección especial no Certamen de Bandas de Música “DeputaciónProvincial de Pontevedra” (2.009). 1º Premio e mención de Honor na 1ª sección, na 39 edición do CertameInternacional de Bandas de Música “Villa de Altea” (Alicante) – (2010). 1º Premio Certame Internacional “ Villa de Aranda”. 1º Premio e Mención de Honra no Certame de Bandas de Música “DeputaciónProvincial de Pontevedra” (2014 segunda sección) – Banda Xuvenil. 2º Premio Certame Galego de Bandas de Música de Galicia (2014) – Banda Xuvenil. 1º Premio IX Certame Galego de Bandas de Música (2015). 2º Premio no 132 Certamen Internacional de Bandas de Música “Ciudad de Valencia” (1ª sección) (2.018).

Durante o ano 2013 a banda celebrou o seu 125 aniversario. A Banda de Música Municipal de Silleda, con máis de 400 socios e unha Escola de Música con 187 alumnos, realiza unha importante labor social, cultural e educativa, reflectida na organización de concertos cada ano, unha Banda Xuvenil, Big Band, coro e grupos de cámara.

RAFA AGULLÓ ALBORS
Nado en Cocentaina (Alacante), iniciou os seus estudos musicais co saxofón na Escola de Música da Unió Musical Contestana, para posteriormente proseguilos no conservatorio Profesional de Onteniente e no Superior de Alacante. Ampliou os seus estudos de saxofón con profesores de renome internacional como Daniel Kientzy, Manuel Miján, Claude Delanghe, Pedro Iturralde, Eric Devalon, Marie Bernardete, Arno Borgkamp ou Nobuya Sugawa, entre outros.

No 2000 comeza a estudar dirección de banda na Escola Comarcal de La Vall d ‘Albaida cos profesores José Rafael Pascual Vilaplana, Ramón García i Soler e José Vicente Asensi Seba para continualos máis tarde no European Instituto of Music (Trento / Italia) onde rematou os seus estudos superiores de dirección de banda no 2006 baixo a dirección do mestre Jan Cober, Felix Harswith, Franco Cesarini e Carlo Pirola.

Asistiu a cursos de perfeccionamento de dirección de banda con profesores de renome como Henry Adams, Eugene Corporon, Jan Van Der Roost, Johan de Meij, Alex Schiillings ou Douglas Bostock.

Estudou composición no Conservatorio Superior de Música de Vigo, un máster de jazz na Escola Studio de Santiago de Compostela e acabou recentemente os estudos superiores de Dirección de orquestra no Conservatorio Superior de Música da Coruña.

Traballou como profesor en distintas escolas da Comunidade Valenciana, na Escola Profesional de Viana do Castelo (Portugal) e foi director titular da Agrupació Musical d’Ontinyent, Unió Musical de Busot e Unió Musical de Muro.

É convidado en diferentes formacións profesionais do noso país (Banda Municipal de Coruña, Bilbao Orkestra Sinfonikoa, Banda Municipal de Vitoria, Banda Municipal de Orense, Banda Municipal de Castelló de la Plana, Banda Municipal de Oviedo, Real Filharmonia de Galicia, Gran Canaria Wind Orchestra …) así como do estranxeiro (Banda Sinfónica Portuguesa, Orquestra Sinfónica do Conservatorio de Oporto, Radiofunk Blasorchestre Leipzig, Marine Band of the Royal Netherlands Navy…).

Na actualidade, asiste asiduamente a cursos de perfeccionamento de dirección de orquestras con grandes profesores. É director da Banda Municipal e da Escola de Música Municipal de Silleda (Pontevedra), realiza de forma periódica encontros para músicos novos en Portugal, é profesor de Dirección no JJMM de la Vall d’Albaida (Valencia) e na Academia Europeia de Dirección de Banda (Forno de Algodres – Portugal) e director titular da Banda de Música de Pontevedra.

Programa do concerto
– Ponteareas (Reveriano Soutullo)
– Rapsodia Galega nº 2 (E. García Rey)
– Suite Galaica (Antón Alcalde)
1. Amencer na montaña.
2. Samhain.
3. Danza gaélica.
– Camiños (Simón Couceiro)
– A Lenda de Montelongo (B. del Río)
– A Xota de Nicolás (Xosé Luis Represas
– Muiñeira dos Pendellos (J. Lois Diéguez)