Banda de música de Arbo

Banda de música de Arbo

Todo comezou no ano 1991 cando, por iniciativa do alcalde D. Manuel Rivera, iníciase o proxecto de restauración da banda de música de Arbo coa axuda dos Mestres Ignacio, Manuel González (Lito), Joaquín e Antonio.

Pero será no ano 1993 coa chegada de Víctor Fernández Nogueiras e Jesús Iglesias cando a escola da banda de música de Arbo colla o impulso necesario para, así no ano seguinte (abril do 1994) faga a súa presentación na Festa da Lamprea, apadriñada pola Unión musical de Valladares e baixo a dirección de D. Víctor Fernández Nogueiras.

Da man de Víctor Fernández, pronto chegarían os éxitos xa que no ano 1999 con tan só 5 anos de existencia, a Banda de Música de Arbo consegue dar a sorpresa en Valencia acadando o primeiro premio e mención de honra na 3ª Categoría, converténdose na primeira banda, fora da comunidade valenciana, que consegue este galardón.

Os premios seguirían chegando para esta xove agrupación:

  • Certamen internacional  de Valencia 1999-1º Premio e Mención de Honra (3ª Sección)

  • Certamen internacional  de Valencia 2001 - 2º Premio (2ª Sección)

  • II Certame Provincial de Pontevedra 2002 - 1º Premio e Mención de Honra (3ª Sección)

  • III  Certame  Provincial  de  Pontevedra  2003 - 1º Premio (3ª Sección)

  • IV Certame Provincial de Pontevedra 2004- 1º Premio e Mención de Honra (3ª Sección)

  • VI  Certame   Provincial   de   Pontevedra  2006­­ -  1º Premio  (3ª sección)

  • I   Certame de Bandas de Música, zona sur 2008- 1º premio(3ª sección)

  • II  Certame de Bandas de Música, zona sur 2009- 2º premio   (3ª sección)

Ademais de participar en numerosos concertos por toda a xeografía galega, Portugal, Badaxoz, Asturias, Valencia … a banda de música de Arbo edita dous cds: o primeiro “Vila de Arbo” e o segundo foi editado no 2004 co motivo do X aniversario da banda.

No ano 2011 faise cargo da banda D. Cesar Posada e en tan só un ano de traballo, a banda de música de Arbo acada o primeiro premio no certame provincial celebrado en Vilagarcía no ano 2012. En 2021 toma a batuta da formación D. Tomás Alonso Pérez.