Bandas

Agrupación musical de Belesar

No ano 1997 o actual director, Javier Domínguez Millán, propón á dirección do Colexio Público de Belesar impartir clases de música como actividade extraescolar. Ao principio, só hai 9 alumnos pero en tres meses esta cifra increméntase ata os 35. Un ano máis tarde cómpranse os primeiros instrumentos para a formación da Agrupación Musical de Belesar. O 20 de xuño de 1998 fai a presentación, apadriñados pola Agrupación Musical do Rosal. 

Entre os nosos premios en diferentes certames musicais destacamos os seguintes:

• 2005: Segundo Premio na 2ª sección do V Certame Provincial de Bandas de Música Deputación de Pontevedra.
• 2010: Primeiro Premio na 3ª sección do X Certame Provincial de Bandas de Música Deputación de Pontevedra.
• 2010: Segundo Premio na 3ª sección do IV Certame Galego de Bandas de Música.
• 2011: Segundo Premio na 3ª sección do XI Certame Provincial de Bandas de Música Deputación de Pontevedra.
• 2011: Terceiro Premio na 3ª sección do V Certame Galego de Bandas de Música.
• 2013: Segundo Premio na 3ª sección do VII Certame Galego de Bandas de Música.
• 2014: Segundo Premio na 3ª sección do XIII Certame Provincial de Bandas de Música Deputación de Pontevedra.
• 2014: Terceiro Premio na 2ª sección do XIII Certame Galego de Bandas de Música.
• 2019: Terceiro Premio na 3ª sección do XVII Certame Galego de Bandas de Música. 

En 2007 edita o primeiro traballo discográfico titulado Na saia dá Groba, e tocan co trompetista D. Rubén Simeó Gijón, considerado un dos mellores a nivel internacional. No ano 2008 a banda viaxa a Palos de la Frontera (Huelva), nos actos conmemorativos do descubrimento de América. Fixo un intercambio coa Banda de Música de Vilanova i a Geltrú (Barcelona). 
En xullo de 2014, participa no XV Certame Internacional de Bandas de Música Vila de Aranda (Burgos) e viaxa a Santa Fe de Granada en representación do Concello de Baiona con motovo dos actos conmemorativos do Descubrimento de América. 
A banda está dirixida dende a súa fundación por D. Javier DomínguezMillán e conta cunha escola de música con aproximadamente 50 alumnos que serven de canteira para a agrupación. A súa finalidade é promover a música e a cultura en xeral entre a xente nova e non tan nova no seu ámbito xeográfico.