Banda escola de música de Vilaboa

Banda escola de música de Vilaboa

Nace no mes de febreiro do 2015 pola necesidade de crear unha agrupación para o alumnado de vento madeira, vento metal, percusión e corda frotada (violoncello e contrabaixo) da Escola de Música. 
Participou no programa Música nas Parroquias (2015, 2016) dando concertos de presentación nas parroquias do concello. En 2017, 2018 e 2019 realiza concertos conmemorando o Día de Rosalía, Mulleres que transforman realidades: Ti eres a nosa protagonista no Día Internacional da Muller, Día das Letras Galegas, Mostra do Viño de Vilaboa, Domingos con Encanto, Entroido de Cobres. En 2016 realiza un Concerto Musicopoético ó abeiro do Ano Castelao recitando a Castelao e Cabanillas coa música galega como protagonista. 
Contratada por numerosas comisións de festas, promove e participa en intercambios musicais, xornadas de convivencia e festivais de bandas coas Escolas de música de Lousame, A Illa de Arousa, Cambados, Mougás, Barro, Chapela, Belesar, Vilatuxe, Marín e co Conservatorio de Música Municipal de Cambados. Pon o toque musical nas festas patronais do concello e organiza homenaxes a persoaxes destacados da vila ( Mestra Fina de Barciela, ao impulsor da Escola de Música D. Tomás Boullousa e ao mestre de música D. Delio Fernández). 
Actúa coa Banda da Escola de Música Municipal de Cuntis na Festa do Lacón con Grelos de Cuntis. Participa no Festival de Bandas de Música Infantís e Xuvenís de Galicia (2017, 2018, 2019), organizado pola FGBMP en Santiago de Compostela. Realiza o I Festival de Bandas de Música de Escola Vila de Vilaboa (2018) coa Banda Infantil da ESMU de Xinzo (Ponteareas) e a Banda Xuvenil da ESMU de Campo Lameiro, que continuaría con dúas edicións posteriores. Realiza o Programa Social No Nadal…Música para 1.000 maiores (2018 e 2019) con concertos no Centro Residencial Nueva Vida de Bértola e na Casa de Montes de San Adrián de Cobres. En 2019 participa dúas veces no programa Luar da TVG, co pasodoble Banda Galega de Felisindo Pérez Seara e a peza Viva la Vida de Coldplay e obtén o 2º posto (categoría infantil) no XIII Certame Galego de Bandas de Música.

Compartindo valores coa Escola de Música, a agrupación ten por bandeira a convivencia entre o alumnado, o respeto entre compañeiros, formar parte dun grupo, disfrutar da música en común, o esforzo persoal e o avance e consecución de obxetivos como banda. É fundador e dirixe a banda dende os seus incios o mestre D. Daniel Figueira Bello.